Cafe 360 (已結業)

约左朋友收工去深水埗行黄金电脑商场，咁收左工肚饿就要医肚先啦！我地先去西九龙中心揾嘢食，放工想舒舒服服咁坐底吹水食嘢，见到呢间好似气氛唔错就入去坐。待应都好快带我地入座和送上餐牌和水，因为我地系3个人，最后点左个2人套餐艮和1份个人套餐一齐食。首先讲下2人套餐叫慢烤系列二人餐，有两客汤,主餐叫左慢烤丹麦嫩猪仔脾和夏威夷芝士pizza，2杯野饮。白汤送上黎饮落都唔错，主食猪仔脾、蟹子青瓜沙律、竹炭包卖相几靓，包食落口唔硬，配白汤饮都好正，猪仔脾烤得啱啱好，真系好嫩，食落口又唔油腻，仲有啲汁，一个字正，值得一试至于夏威夷芝士pizza，芝士味好浓郁， Pizza够香口，虽然卖相睇落去好似都几黑，但食落口味道同口感都十分之好仲有一个一个人套餐系点左日式芝麻酱吉列虾蛋包铁锅蕃茄饭，炸虾好香脆，料都十足，卖相亦都十分吸引，如果一个人黎食我可能会点返呢个，但同时亦都想尝试下其他嘢食，真系觉得自己有啲矛盾至于佢三杯嘢饮，睇图就好靓，但实质上上嚟都系用普通胶杯装住，饮落唔算特别，所以唔会特别介绍