Olive ERA (已結業)

由细到大都好钟意食薄饼，仲记得个阵成日都叫妈妈带我去食，但可能一个月先食到一次，已经觉得好幸福，而家自己出黎做野，几时想食就食，仲要选择比过往多，早几日挑起瘾想食，所以揾左间有薄饼食又有其他不同西式料理食既餐厅食晚饭餐厅位于高尚住宅楼下既商场，除左内座位，亦设有外面座位，我同男友拣左坐内面既圆枱，感觉空间感大少少，无正方枱咁局限餐牌有Set dinner或散点食物，我地决定散叫可以点自己想食既，分别叫左三道菜，有小食、主食饭同当中紧系有我好想食既薄饼啦先上小食香辣鸡翼配蜜糖蛋黄酱，鸡翼烤得非常多汁肉嫩，食落好香口，惹味十足，而旁边既沙律菜伴左蜜糖蛋黄酱，甜甜地好开胃，食只鸡翼再食口沙律啱哂最期待既食肉兽薄饼，果然无令我失望，当中有辣肉肠、火腿同份量级芝士，另外加钱加左烟三文鱼饼底脆薄，唔会太厚，烤得好香口，切开后满满芝士拉丝，非常邪恶，馅料亦有好多蕃茄酱汁，味道酸甜适中，真材实料并唔系加普通茄汁咁简单，好好味！西班牙海鲜饭亦有相当多材料，有青口、蚬、鱿鱼、大虾、辣香肠同鱼柳，饭粒软中带微硬，个人认为煮得刚好，整体味道唔会太浓，有海鲜既鲜味存在最后食埋件浓郁既朱古力蛋糕，唔会太甜，好香朱