101台式休閒餐廳 (尚德商場) (已結業)

午餐想食台湾野，就嚟咗呢间食。一开始见门口几多人，以为要排队，点知一拎飞就入得。有好多嘢食拣，劲多选择都唔知拣边样好，但系个侍应好快就过嚟问我地食咩，于是求其拣咗一样，叫咗酱烧鸡扒玉子豆腐肉燥乌冬，同行朋友就叫咗酱烧鸡扒玉子豆腐肉燥饭，乌冬整得比较耐，大概等左15分钟到先上，本身以为系炒乌冬，最尾原来系汤乌冬，啲肉燥溶晒落啲汤度，搞到好似同冇肉燥无分别，所以要肉燥饭会比较好，个鸡扒都尚算唔错，玉子豆腐炸得香脆，我觉得成个餐最好都真系玉子豆腐，跟餐仲送埋嘢饮，成个餐只需$50到，系平民午餐价，餐厅环境尚算干净，味道都可以接受，都算系经济实惠自选。