果子｜海南雞飯·喇沙摻摻 (啟昌樓) (已結業)

今日同朋友黎到哩间果子 Cafe食晚餐，叫左两个晚市套餐，海鲜喇沙掺掺$68 配热柠檬薏米水，同无骨海南鸡饭（白饭）$64配热柠水，套餐加$18可配小食，叫左白云酸辣凤爪（6件）同丝网春卷（2件）。额外仲叫左沙嗲鸡肉串烧（2串）$25。海鲜喇沙掺掺，当中的掺掺系马来西亚用语，有「两沟」的意思，指油面混合米粉的一种粉面，油面有口感但系唔吸汤汁，加埋米粉吸收汤底精华，口感、味道可以同时满足。哩个掺掺卖相唔错，用料十足，汤底虾味同椰汁味浓，非常好食！无骨海南鸡饭（白饭），奉送有鸡汤，鸡肉嫩滑，配有姜茸、辣椒酱、甜酱，鸡肉沾酱一齐食，非常下饭，酱汁虽然系配角，但系缺一不可！至于小食方面，酸辣凤爪，凤爪无骨，酱汁酸辣开胃，非常好食，最后仲追加一份！丝网春卷够有特色，外有网纹脆皮，内有芋头等制成嘅馅料，但始终系油炸品，食得多会腻，都系一件起两件止。沙嗲鸡肉串烧的沙嗲酱甜而不辣，内有碎花生增添口感，配埋烧鸡肉好好食。呢间餐厅晚市套餐价钱平民化，而且唔收加一，套餐加小食都唔过$100，而且呢度环境干净企理舒适，适合朋友聚餐。