板上 (桂林街) (已結業)

好耐之前系Facebook见过有人推介过深水埗有间平价和牛便当，赞又快又正，晚餐谂唔到食咩就灵机一触醒起佢，决定行过去试下。板上位于深水埗北河街街市附近，系深水埗C出口行大约5分钟就到，位置好方便。小店环境唔大，只可以容纳10-15人，全部都系高椅，我地去到已经系9点几，所以无咩人唔使等🤗厨房透明度好高，坐系外面既食客可以好清晰见到入面师傅烹调食既过程，见到厨房都几干净👍🏻餐厅细细，食物既选择亦唔多，但都算包罗万有，牛豚羊鱼鸡样样齐，仲有burger同鳗鱼拣。当然要试必叫既一口牛便当啦，牛肉煎得好香应该系用牛油煎既，口感几好唔韧，份量都算多，呢个价钱都有成十几粒牛 略严饭有d少，女仔食应该岩岩好，男仔就可能会唔饱。配料有我最中意既粟米粒🌽 捞左牛油好味道😋😋 便当本身仲会包饮品，我地太晏去既关系是日跟餐特饮士多啤梨多多已经卖完，我地只可以拣奶茶咖啡汽水个d同埋有几只红茶，呢只荔枝红茶都唔差又唔会太甜🙂仲叫左个季节限定既豚，烧汁味加埋洋葱炒都几香，豚既份量亦算多，但怕肥既朋友就未必中意啦，因为肥膏同肉既比例系5:5。总括黎讲，都好推介呢间平民便当之选，性价比高！大家有时间不防去试下