八方雲集鍋貼水餃專門店

营业中

休息中

快餐茶餐厅食黎食去都系𠮶几间，但系又想食平，好在仲有个饺子选择，就系八方云集﹗今次叫左个酸辣云吞汤面，都几好味架﹗其实佢地的饺子云吞调味系好稳定架，次次食都系一样味(都系几合好胃口的)，有好多椰菜所以个饺好脆，系个皮厚身啲啰，不过咁的价钱大家都唔可以要求太多的，至于个酸辣汤佢咸度我同酸度同汤的厚度适中，佢个STYLE系唔系好辣，对我黎讲系易入口，因为我系𠮶啲贪图辣的快感但又不能吃太辣的人来，哈哈﹗不过认真讲咁，佢系真系OK，佢啲木耳呀都有落够料，唔会水行行。我仲叫多左个锅贴呀，佢就味道同云吞一样，不过我就觉得厨师今日时间赶少少，煎得唔够耐唔够香口，同埋上桌又冻左少少，所以𩠌子皮痴得好劲﹗但睇埋佢的价钱，整体黎讲真系合格有余呀﹗