野菜咖喱事務所 Curry Man (已結業)

Green Saturday。性价比高嘅日式咖哩饭， 因为有事要去附近嘅工厦先有机会嚟到葵涌食饭 。单点 $38，加 $8 可以转有味冰茶。我要咗白桃冰茶。，Total $46，加钱转嘢饮个人认为依然系抵食。野菜同咖哩互补，蔬菜的甜味令日式咖哩多个层次。 白饭唔系粗糙嘅白米，都系用珍珠米，粒粒分明有咬口亦都有少少黏口。 摆盘亦都唔会好随便，唔似某啲茶餐厅师父就咁倒个汁上白饭面。野菜分别有: 蕃茄，翠玉瓜，秋葵，西兰花与茎，三色椒，茄子，红萝卜，薯仔，豆。基本上每种蔬菜各一。 大大旧，整体蔬菜都系甜嘅只系秋葵个皮有少少渣。白桃冰茶唔会好甜，佢茶味比较重唔系𠮶啲放好多糖浆落去嘅有味茶。平日出街食饭师傅都系随便搭条菜心，喺呢度食就一次过可以补充唔同嘅维他命同纤维，但放心唔会唔够饱，因为饭同蔬菜嘅份量都好足。堂食枱唔多，都系铺面出面放几张折枱同凳，大部分嘅人都系外卖拎走，如果堂食就会对住马路或者路人食。位置亦唔难揾，a出口一出上天桥行一两分钟就到。如果行地面就直行转右，我呢啲路痴都揾到。