Dr. Italian Pizza & Pasta (已結業)

今次叫左一个二至三人餐，套餐有一个细薄饼，一个意粉，一客小食，二款甜品或饮品，价钱中规中矩。劲茜薄饼一打开，见到盒里面有一大座芫茜山就觉得好惊喜好特别。芫茜下面有好丰富嘅配料，烧鸡、汉堡粒、芝士碎、自家制芫茜酱。一开始以为系绰头，但后来发现呢个薄饼好有诚意，芫茜酱有淡淡芫茜清香，同时又有酸酸哋嘅沙律酱味，加上芝士碎嘅组合，整体味道清新和谐，值得一试。依家香港有好多连锁式薄饼餐厅卖嘅薄饼又厚又硬，但其实正宗嘅薄饼饼底唔会太厚，而且会有淡淡嘅麦香，就好似今次呢间餐厅一样，饼底松软，每一啖都有麦香衬托芫茜香味。而且配料同饼底比例配合得好好，酱料分量适中，所以食每一啖都觉得好满足，层次好丰富，唔会一味食饼底食饱。特浓芝士汁粟米带子意粉特浓芝士汁确实系好浓稠，除左芝士味香浓之外，仲有阵阵忌廉香味，不过咸味就略嫌不足，如果盐可以落得重手少少就更加好。带子系珍珠带子，虽然唔系大只，但味道都系有鲜甜味，而且带子更加系以量取胜，份量绝对唔吝啬。奇妙鸡软骨鸡软骨系椒盐口味，即叫即炸，香脆惹味，就算外卖拎到返屋企都仲系好好味。士多啤梨奶冻奶味香浓，配埋士多啤梨嘅甜味，好夹好好味，为呢一餐埋左个靓尾。整体而言