香港餐室 (已結業)

今日经过见到呢间小店，有种似曾相识嘅感觉，再望望门外餐牌，原来就系之前成日喺深水埗帮衬嘅小店，而家搬左黎佐敦，仲方便左。于是乎晚上就试左呢度嘅晚餐，入到店内，座位间格都适中，有唔少嘅卡位供选择，而且店员姐姐都好细心，帮我拣选无甘大风嘅位置，以防我冻亲，值得加分。打开餐牌，晚餐有好多选择，有焗饭意粉喇沙同扒餐，价钱约4x~9x，非常经济实惠，适合悭家嘅小情侣。今晚我地叫左2个扒餐，一份系鱼柳并牛柳配天使面，另一份系牛肩扒配天使面，上枱时份量十足。有餐汤，墨西哥薄饼，又有沙律菜伴碟，男士都唔会饿亲。特别要赞赏下，牛肩扒牛味浓，而且厨师煎扒外脆内软，保持到肉汁， 而且天使面唔系煮到烂晒，入口时仲有弹性。下次经过一定要试埋呢度嘅焗饭水准如何。