茜廊餐廳 (良景廣場) (已結業)

最近又开始晚市禁堂食，我哋呢啲打工仔，焗住都要喺六点前食埋个晚餐！今次近近地，去良景新开嘅新式餐厅「茜廊」.餐厅装修简洁，干净企理，座位宽敞。店员态度亲切，我哋一坐低就会送上纸巾同口罩袋，相当体贴。.【巨无霸吉列猪扒配白后饭 $68】超级巨型嘅吉列猪扒！食肉兽绝对会大爱😂炸至金黄色，外酥内嫩，脆脆嘅口感又带猪肉嘅肉香，好香口👍配埋辛辣嘅咖喱汁，坚系一流～.【三色鲜茄焗猪扒饭 $65】猪扒饭系即叫即焗的。炒饭底上铺满一层香浓既鲜茄酱，三重芝士经烤焗后融入茄酱中，加上松软嘅厚切猪扒，好味到食唔停口！值得一提嘅系，猪扒已一早切好哂，呢点值得一赞.【套餐】每份lunch套餐都会配埋餐汤，蒜蓉包同饮品。餐汤可拣忌廉汤或罗宋汤，配搭埋骨脆于嘅藜麦蒜蓉包，真系好抵食🤣饮品方面，奶茶咖啡冷热都唔使加钱㗎～.【追加小食】六款小食可以自由追加，小编推荐黑松露酱薯条（+$25）同葡萄牙马介休球 （+$38）薯条一直系最受欢迎嘅小食之一，加上味道独特嘅黑松露酱，往往令人爱不释手。而马介休球更系特别，外层薄脆，内里却好似薯蓉般软绵，但又带点鱼肉丝嘅味道同口感，值得一试.【蓝莓乳酪蛋糕 $29】如果仲想食埋甜品的