HELLO Kitchen

营业中

休息中

呢间餐厅都去过几次，地点喺田心村，位置虽然唔算起眼，但都唔难揾，因为住沙田关系，都知田心有唔少好野食，而呢间西餐厅最吸引嘅地方就系平得嚟好食，份量仲要唔少添。而环境就舖头细细，不过枱与枱中间都有距离，唔会好迫。今次系第 3次嚟，可能时间尚早 (未够 7:00pm)，唔驶等位，一入即坐。今次拣之前无食过嘅野﹐样样都想食样样都好吸引哇~! 最后个个都饱到上心口，我自己觉得最好食嘅系卡邦尼烟肉意粉，比起出面，个汁真系食晒 d意粉都仲会慢慢品尝，可能我自己钟意湿湿哋嘅意粉，所以我好钟意呢个，$50唔驶㖞，出面真系比较少见。下次可以再试其他野。