東京一番 (已結業)

长沙湾一向都多野食，今日就揾左间日式放题试下。提前几日book左位，准时7点半入场。价钱百零蚊任饮任食4个钟。入到去环境好嘈，好似茶楼饮茶咁。座位都好逼，坐系到一旦有食客同员工经过都有机会撞到。食物方面，一般放题有既佢都有。刺身，寿司，天妇罗，炸既小食，味道中下。重点讲下部份食物，刺身的确唔算太新鲜。一口牛柳粒都咬落硬左d，肉有d老。寿司饭仲有少少微温。至于天妇罗，炸鸡翼，串烧呢d食物中伏既机会都相对地低，可以放心食。值得一提，落单后上菜速度相当慢，千万唔好见佢未黎就以为佢漏左单，跟住又再order过d食物，唔系食到饱果阵，仲上紧菜，浪费食物就唔好。另外有部份食物只有系落单纸上出现，即使你叫几多次都唔会送黎，可能从一开始就无。食饱隔离仲有雪糕做饭后甜品，呢点唔错。总括黎讲，佢地既食物绝对对得住佢个价钱，如果你对食物质素，味道有较高既要求，又或者你接受唔到嘈住食野，呢间日式放题餐厅都系唔啱你，费是又要平食又要投诉就唔好。另外，员工既服务态度系无问题，全晚做唔停手，我好佩服佢地。