品川日本料理 (已結業)

好耐冇去过荃湾海滨，荃湾西站一出就见到新开咗年几既海之恋商场，好方便👍🏻我同朋友拣咗呢间日本餐厅 - 品川日本料理，以平日嚟讲都算几多人客。一入门口就见到几间较特别嘅房，用咗有日本特色嘅趟门设计，一大班朋友一齐倾偈就最啱喇，可惜今次预约前唔知有呢一类房间所以试唔到。讲起放题，又点少得五花八门嘅寿司同刺身😋，呢间餐厅可以直接用App落单，除咗甜品饮品外app已经有齐所有食物。食物类别有好多，例如前菜、炸物、天妇罗、串烧等，其中寿司都分开咗几个类别，有黑松露系列、酱烧系列等。喺香港嘅日本餐厅食放题，其实啲款来来去去都差唔多，但呢间餐厅喺寿司上加咗啲黑松露酱，感觉几新鲜亦唔会抢走寿司嘅鲜味！😋而刺身盆上亦用咗唔同假花做点缀，我哋嘅应该系桃花，用埋后面荃湾西海滨作背景去打卡一流！总括而言，食物嘅种类真系几多，我哋冇叫过重复嘅食物。而我哋都叫咗一啲平时喺日本放题餐厅比较少食到嘅菜式，例如土匪鸡翼、清酒煮蚬、章鱼烧、仲有鲜奶燕窝等等。出面仲有得攞一啲日本小食、酒同甜品，除咗普通甜品外，仲有大家都钟意食嘅Häagen-Dazs雪糕，每人限攞一杯有我最钟意食嘅士多啤梨味，朋友就拣咗新出嘅哈密瓜味，好满