阿來泰式地道風味 (已結業)

长沙湾越嚟越多种类嘅嘢食，啱啱波楼附近开左间新嘅泰式餐厅，笃完波同朋友黎试吓!入到去坐低，装备格局上都似一般茶餐厅。唯独有少量花、象、佛，显得有点泰式风味，不过系长沙湾都唔系食佢嘅环境同装修! 地方几大，整齐，干净，已经very good墙身贴满相，唔知食乜好可以睇相，边个吸引就点边样而餐厅仲做紧新张大优惠，可惜唔系星期四，好想试佢嘅咖哩软壳蟹火山包，见到隔离枱食好吸引㖞!Menu都系常见嘅泰国菜，家常便饭，同朋友点左一份菜同乌头就算了!一般常用泰式酱汁放哂喺台，唔驶另外再上，方便又悭位!泰式咸肉炒椰菜苗每次食泰菜，基本上我都系食椰菜苗，但第一次唔系斋用蒜蓉炒。泰式咸肉好似烧肉，但又冇烧肉咁香咁脆口。椰菜苗真系好正，高纤有咬口，好味~泰式明炉冬荫公乌头鱼呢度嘅冬荫公酸味同辣味都好适中，泰国嘅真系酸好多!呢度嘅啱啱好，乌头鱼肉质好嫩，唔腥又唔"鞋"口，加上冬荫公酸酸辣辣，冬天食比较开胃暖身! 而最吸味嘅系入边既菇，吸左冬荫公嘅味更甜我点左杯泰式咖啡，但味道太甜了，好似饮紧拖肥糖咁。不过都系预期嘅甜度，因为泰式奶茶都比较甜，但味道唔似咖啡啰!