金坊泰國美食

营业中

休息中

讲起食泰国嘢 大家可能都系谂起九龙城 但系其实红磡都有好食嘅泰国菜 今日下昼就嚟咗呢一间金坊泰国美食🤭餐厅有少少似茶餐厅嘅感觉 有每日嘅精选午餐 啱晒啲选择困难症嘅朋友呀🥰泰式无骨猪手饭贯彻返茶餐厅嘅感觉 猪手饭真系大件夹抵食 无骨猪手铺满成个饭面😝 饭嘅份量亦都好多 猪手卤得好入味 可以改善嘅系卤水蛋 虽然系配菜 但系真系好硬啊😂鲜虾炒金边粉 加辣要食金边粉都系有少少辣味比较啱口味 金边粉炒得几干身😉 捞埋花生碎同芽菜 口感唔错 虽然上碟嘅时候唔系好见啲鲜虾 但系其实啲鲜虾系呢个金边粉嘅底🙊呢间泰国餐厅 价钱真系好平民 啱晒粮尾又想食泰国嘢嘅朋友😆