影片
更多
2013-07-15
18 浏览
月尾将要出门有远行，所以趁星期六过嚟金钟搞签证，顺道就晌Hatsu食个晏先至打道回府。事缘晌FB参与一个试食活动，有幸被抽中喜获试菜机会。其实，之前曾睇过一啲饮食杂志对Hatsu嘅相关介绍，知道佢哋晚市除供应一般日本料理之外，更以平民价怀石料理为主打，依然选取季节性食材，无论食物卖相、餐具盛器都讲求精致细腻，只喺有啲地方稍作调整，令一向价格不菲嘅怀石料理变得较为亲民，让更多人有机会品尝到依种饮食艺术。套餐价位由$800一位嘅「厨师发办」套餐（Omakase）、$430八道菜嘅「松御膳」、$360、$330……以至$280六道菜嘅「吉列猪扒晚市套餐」可供选择。由于迁就搞签证关系，拣食晏就啱时间多啲，所以就一于顺道同老婆食番餐富贵版和风定食。怀石料理都讲求意境，但以香港地方吋金呎土，铺租贵到癫，餐厅环境都要稍作配合，不过就依然不失礼。虽然入口门有不少和风摆设，但店子装潢较接近西式，皮椅木枱，原木配金属墙身，乌丝灯泡吊灯，属型格设计。最正近窗一边都喺落地大玻璃，又唔喺对住旺街，开扬又唔怕被经过途人「眼望望」，整体感觉雅致舒适。题外话，茶壶及茶杯都好精致，茶壶内嘅玄米茶亦都好好饮！点解叫佢做「
其实，之前曾睇过一啲饮食杂志对Hatsu嘅相关介绍，知道佢哋晚市除供应一般日本料理之外，更以平民价怀石料理为主打，依然选取季节性食材，无论食物卖相、餐具盛器都讲求精致细腻，只喺有啲地方稍作调整，令一向价格不菲嘅怀石料理变得较为亲民，让更多人有机会品尝到依种饮食艺术。套餐价位由$800一位嘅「厨师发办」套餐（Omakase）、$430八道菜嘅「松御膳」、$360、$330……以至$280六道菜嘅「吉列猪扒晚市套餐」可供选择。由于迁就搞签证关系，拣食晏就啱时间多啲，所以就一于顺道同老婆食番餐富贵版和风定食。
怀石料理都讲求意境，但以香港地方吋金呎土，铺租贵到癫，餐厅环境都要稍作配合，不过就依然不失礼。虽然入口门有不少和风摆设，但店子装潢较接近西式，皮椅木枱，原木配金属墙身，乌丝灯泡吊灯，属型格设计。最正近窗一边都喺落地大玻璃，又唔喺对住旺街，开扬又唔怕被经过途人「眼望望」，整体感觉雅致舒适。题外话，茶壶及茶杯都好精致，茶壶内嘅玄米茶亦都好好饮！
点解叫佢做「富贵版和风定食」？因为午市专做定食，最平嘅定食如：豚肉生姜烧定食、鲭鱼盐烧定食、滑蛋天妇罗丼……等等都要收$160，而最贵嘅刺身定食卖到$300，食个晏个人消费动辄花二、三百蚊，绝对唔会喺一般大众平民所做，相反，富贵人家就视为等闲。午市定食有超过30款选择，所以定食均包括小钵、蒸蛋、面豉汤及甜品（或餐饮）。最终老婆拣咗个「汁烧银雪鱼定食」（其实佢未拣我都估佢喺食银雪鱼，因为依个喺佢「飞弗」，近乎每次都点银雪鱼食），而小弟因感天气实在炽热，想食得凉快啲，二话不说就瞄准「天妇罗冷荞麦面定食」，两份定食卖相都好有睇头。
汁烧银雪鱼定食 $190
- 糖渍萝卜：一红一黄，味道带微甜，但口感超爽脆，就咁送饭我都OK架，好似菜脯送粥啫。- 田园沙律：色彩缤纷，有青椒、红椒、车厘茄、粟米、青瓜、青豆、沙律菜，拌千岛汁，入口食得出啲蔬菜好新鲜，不过就稍欠和风特色。
- 日式蒸蛋：蛋味唔算好出众，但质感超滑，面面有鲜冬菇，底下又有鸣门卷，细细哋一小杯都几好。
- 面豉汤：面豉味都挺浓郁，饮落几香。- 汁烧银雪鱼：足有两大件，感觉非常抵食，而且外观烧得颇靓，入口既嫩滑又多汁，鱼皮烟韧有咬劲，感觉几有趣。粉红𠮶条喺酸姜条，酸酸辣辣挺刺激。
- 米饭：店家选用秋田县出产嘅美人米，晌门口仲放有多包实物以示货真价实。饭粒食落的确柔韧黏糯，不过，个人感觉唔及泰国米𠮶种咁有饭味。天妇罗冷荞麦面定食 $180
- 天妇罗：粉浆够晒薄，所以天妇罗入口唔油，咪睇佢细细碟，有四季豆、茄子、冬菇、南瓜、鸡脾菇、海老咁多款，除海老有成3只外，其他喺只有一件。个人觉得啲天妇罗几好食，一啲都炸得唔干身，又有食材本身嘅味道，尤其南瓜、鸡脾菇、海老，最啱食。
- 荞麦面：最欣赏喺盛荞麦面个碟，好有特色。灰白色面条内带有点点芝麻碎，虽然份量颇多，但面质稍嫌有啲腍，食唔出爽口嘅感觉。
- 鲣鱼汁：蘸荞麦面嘅鲣鱼酱油汁，伴上葱花、日式芥未，可随个人喜好加多加少，有啲店家仲会提供埋姜蓉添。个汁加咗葱及芥未后，淡口嘅荞麦面蘸咗鲣鱼酱油汁，口感又清凉，又咸鲜。
据知食完面净番个酱汁，喺可以加啲荞麦面汤，拌匀饮晒就最正，不过，似乎Hatsu就好似无咁嘅服务。定食包甜品或咖啡，我哋两个餐就各要一款，试试两者水准又会喺点。
甜品
只得绿茶雪糕一款，绿茶味几香浓，雪糕内里食起嚟仲有少少冰粒，又唔算好幼滑。曾问过店员喺咩牌子，都只喺回覆本地品牌，雀巢？维记？定阿波罗呢？以佢个价位，对食物嘅质素要求，仲谂住会喺一啲日本品牌，不过，我都支持本土嘢架，我久唔久都有买雀巢杯装雪糕食哩！
咖啡个份量都几迷你，好似饮意大利浓缩咖啡咁嘅份量，真喺一、两啖已经饮得晒。咖啡味稍薄，亦都唔够香，都喺食雪糕好过咯。
整体而言，食物质素喺有水准嘅，晌食材上都反映到出嚟，服务亦都唔错，侍应都招呼有礼，环境亦都舒适幽静。虽然收费唔平，但明显目标都喺对准一般中产人士或附近做嘢嘅老细。不过，若有咩特别日子想食豪少少嚟庆祝一番，佢个晚市怀石亦都可以列入考虑之列㖞！
张贴
