牛極 (雅怡居)

营业中

休息中

因早前肠胃炎搞到冇啖好食后，突然劲想出去食下嘢！今次好想食肉，所以去咗平民石烧牛餐厅 《牛极》开餐啦！都已经忘记咗嚟过几多次了！因为依家潮流都兴呢类平民扒房，一般只系百零蚊就可以食到饱饱！价钱超级亲民！今次点咗一份200g 嘅牛柳，都只系HK$110蚊，而且个汤、饭同个沙律都可以添食的！块牛柳切开仲带红，望落去都唔错呀！食落都好嫩又够肉汁，不过建议牛柳唔好留系热石太耐，因为都熟得几快，建议尽快切开同㷫一㷫佢就好上碟啦！个人觉得佢碗牛肉汤都几正，我饮咗成三碗呀！真心好味又足料！以呢个价钱可以饮到咁浓嘅牛肉汤真系难得！食完超级满足呀！