影片
更多
2018-02-17
65047 浏览
今日系情人节💕，因为宗教信仰今日要食斋。知道我钟意食印度菜，所以男朋友就特登拣咗呢间米之莲印度餐厅。呢间餐厅系米之莲而且几多好评，但系唔知系咪因为情人节港女普遍喜欢锯扒，呢间餐厅出奇地少人。虽然特登订咗位，但其实都几多吉位。坐低谂都唔使谂直接睇素食咖喱，叫咗个香料胡椒饼($38)，杂菜咖喱($72)同埋马莎拉毛瓜($72)。薄饼就叫做黑松露naan同埋蒜蓉naan。香料胡椒饼比较咸，不过以印度菜出名重口味来讲，其实系够地道嘅。以前喺印度食过，味道都系差唔多。放喺面头嘅蕃茄青瓜同洋葱够新鲜，食落清新爽口。酱汁嘅质地够厚，带少少酸味，配埋脆卜卜嘅胡椒饼非常之夹。黑松露naan上碟时够热，好浓嘅黑松露香味，其实就咁食都够味，配咖喱当然更正。至于蒜蓉味，唔知系咪因为食咗黑松露先，所以感觉冇咁香。不过一样系外脆内软热辣辣。杂菜咖喱味道偏甜，印度咖喱来讲算系唔辣。咖喱嘅面头有放少少葱，薄饼咖喱同埋葱三样嘢一齐摆落口，有唔同层次嘅口感。食完之后𠮶种香仍然会喺个口久久不散。至于秋葵玛沙拉都系出色之作。马沙拉系一如以往嘅嘢未，但系同平时食开嘅唔同，呢一个加左切碎的姜粒，果种香系令个马沙拉嘅层次提升咗。平
今日系情人节💕，因为宗教信仰今日要食斋。知道我钟意食印度菜，所以男朋友就特登拣咗呢间米之莲印度餐厅。呢间餐厅系米之莲而且几多好评，但系唔知系咪因为情人节港女普遍喜欢锯扒，呢间餐厅出奇地少人。虽然特登订咗位，但其实都几多吉位。
坐低谂都唔使谂直接睇素食咖喱，叫咗个香料胡椒饼($38)，杂菜咖喱($72)同埋马莎拉毛瓜($72)。薄饼就叫做黑松露naan同埋蒜蓉naan。
香料胡椒饼比较咸，不过以印度菜出名重口味来讲，其实系够地道嘅。以前喺印度食过，味道都系差唔多。放喺面头嘅蕃茄青瓜同洋葱够新鲜，食落清新爽口。酱汁嘅质地够厚，带少少酸味，配埋脆卜卜嘅胡椒饼非常之夹。
黑松露naan上碟时够热，好浓嘅黑松露香味，其实就咁食都够味，配咖喱当然更正。至于蒜蓉味，唔知系咪因为食咗黑松露先，所以感觉冇咁香。不过一样系外脆内软热辣辣。
杂菜咖喱味道偏甜，印度咖喱来讲算系唔辣。咖喱嘅面头有放少少葱，薄饼咖喱同埋葱三样嘢一齐摆落口，有唔同层次嘅口感。食完之后𠮶种香仍然会喺个口久久不散。
至于秋葵玛沙拉都系出色之作。马沙拉系一如以往嘅嘢未，但系同平时食开嘅唔同，呢一个加左切碎的姜粒，果种香系令个马沙拉嘅层次提升咗。平时食毛茄最怕就系食到佢𠮶啲毛嘅口感，今次可能因为有咖喱包住嘅关系，就冇呢个感觉。面头再加埋新鲜嘅葱系非常之好食。
我哋两个人埋单食咗＄260。今次因为食斋嘅关系食唔到佢个set，但系其实佢个set系抵嘅，$302两位，多好多小食之余仲有嘢饮。而且啱啱见到OpenRice嘅优惠$199两位，下次会再去试过！
张贴
