影片
更多
2023-02-05
1103 浏览
衬天气仲未回暖，好想揾个腊味糯米饭食，去揾返细个冬天会食到腊味糯米饭嘅味道。所以今晚就去左间湾仔名店去试下佢地既出品。其实自己都叫做半个湾仔人，成日都喺湾仔一带出没，亦喺唔同既媒体了解过今次去食既餐厅，但亲身体验今次先喺第一次。当晚大约8:30去到，名店就系名店，要排队等约十张台到。等紧途中有店员出嚟表示新登记既就会无晒糯米饭，真系好好彩可以上到尾班车。而最后等左三、四个字到就入得。既然咁难得就尽量叫想食既啦。鸳鸯肠腊味糯米饭上台见到两一对腊肠加埋油润既糯米饭，同埋香喷喷既腊味香味就知道系冇黎错地方喇。一啖糯米饭入口，够干身，充满油香。调味啱啱好。对鸳鸯肠蒸得啱啱好，咬落条腊肠到d油香会爆发出黎。至于条膶肠，连一个唔好膶肠既我都忍唔住食左半条。味道甘香软硬适中。如果唔系仲叫左其他野食，真系会想再叫多碗。胆固醇嘅嘢都系食埋今餐先讲🙈喜爱度(5分为满分): 4.5煎肠粉加鸡蛋一碟看似普通既煎肠粉，上台时已经有适量既豉油淋左上面。肠粉煎到外脆内软就不在话下。加埋鸡蛋去一齐煎估唔到可以提升到个味道咁多。系个种喺肠粉个米香之外加咗淡淡嘅蛋香，就连甜酱都唔需要加，都会令人食不停口。喜爱度(5分为满
当晚大约8:30去到，名店就系名店，要排队等约十张台到。等紧途中有店员出嚟表示新登记既就会无晒糯米饭，真系好好彩可以上到尾班车。而最后等左三、四个字到就入得。既然咁难得就尽量叫想食既啦。
鸳鸯肠腊味糯米饭
上台见到两一对腊肠加埋油润既糯米饭，同埋香喷喷既腊味香味就知道系冇黎错地方喇。一啖糯米饭入口，够干身，充满油香。调味啱啱好。对鸳鸯肠蒸得啱啱好，咬落条腊肠到d油香会爆发出黎。至于条膶肠，连一个唔好膶肠既我都忍唔住食左半条。味道甘香软硬适中。如果唔系仲叫左其他野食，真系会想再叫多碗。胆固醇嘅嘢都系食埋今餐先讲🙈
鸳鸯肠腊味糯米饭
43 浏览
0 赞好
0 留言
喜爱度(5分为满分): 4.5
煎肠粉加鸡蛋
一碟看似普通既煎肠粉，上台时已经有适量既豉油淋左上面。肠粉煎到外脆内软就不在话下。加埋鸡蛋去一齐煎估唔到可以提升到个味道咁多。系个种喺肠粉个米香之外加咗淡淡嘅蛋香，就连甜酱都唔需要加，都会令人食不停口。
煎肠粉加鸡蛋
23 浏览
0 赞好
0 留言
喜爱度(5分为满分): 4.5
花生猪骨粥
呢个都系呢到既其中一个名物。猪骨粥喺我哋爸爸妈妈嘅年代可能会比较常食到，而家就较少系粥店叫到。呢到个粥粥底好棉，猪骨加埋淡菜为个粥提供左个咸香味。花生香脆增加口感。简简单单嘅材料就能够提供一个好好嘅味道，甚至乎系一个回忆嘅味道。
花生猪骨粥
25 浏览
0 赞好
0 留言
喜爱度(5分为满分): 4.5
咖喱鱼蛋猪皮鱿鱼
好食。咖喱味浓，微辣。猪皮劲入味，鱿鱼够爽，鱼蛋就系以前车仔档揾到既味道。
咖喱猪皮
27 浏览
0 赞好
0 留言
喜爱度(5分为满分): 4
腐竹薏米糖水
够热，有豆香，偏厚身，煲得个火侯啱啱好。好后悔冇加埋只蛋（因为真系好饱喇）。
腐竹薏米糖水
39 浏览
0 赞好
0 留言
喜爱度(5分为满分): 4.5
后记
今晚所叫嘅所有嘢，其实都系以前细个冬天会食到既味道。当人大咗，社会开始进步，呢啲味道可能会买少见少。所以，系有能力、可以既话，就去揾翻呢个味道去回忆下。
咖喱鱼蛋鱿鱼
76 浏览
0 赞好
0 留言
张贴
