川婆婆 (東廣場)

营业中

休息中

今日收工同朋友去咗位于观塘东广场嘅1楼109号舖嘅川婆婆，店内好光猛，座位数目算多，各式粉面都有，选择好多。我点咗花胶鸡汤配薯粉，女士养颜之选，花胶大大件好足料，鸡件都有好多，面条拣咗薯粉，烟韧弹牙，好有口感，另外加咗韭菜饺同娃娃菜，就算唔够碗面都好丰富。朋友就点咗小辣嘅招牌猪杂粉配宽薯粉，猪杂种类丰富，店家以每日新鲜猪肉入馔来制作新菜式猪杂粉，当中包括有猪蝴蝶腩、猪肉、猪肚、猪腰、猪润、猪粉肠、猪心、猪红和猪肠，总共9款猪部位选择，必定能满足到食肉兽，每种猪杂都非常新鲜，口感各有特色，汤底香浓，宽薯粉吸收汤汁后更添风味。