忠記粥品 (機利文新街)

营业中

休息中

粟米魚片粥($24)，底有好多粟米粒，而且魚片量足，連蔥花，薑絲，味道唔錯，清清地可以當早餐。粥嘅質地都唔錯，夠棉。反而蘿蔔糕($15/2件，圖為一件)，令人失望，真係得蘿蔔，連少少少少蝦米，臘味個啲都無，純白一舊糕，只係靠豉油調味，好彩都叫清甜，重食到一條條蘿蔔。而且份量相當巨型，如果為填飽肚係好選擇。佢應該寫明真係得蘿蔔，無其他材料，因為真係同認知中嘅蘿蔔糕相差太大。我寧願要兩件薄嘅蘿蔔糕，但係有少少蝦米臘味係裡面，起碼香口啲。