卡莎338 (已結業)

睇完戏同朋友食个快饭，朋友仔带我去呢间西餐厅。门面唔算好有排场，但睇得出食物的种类好多。里面装修唔算好辉煌，但都见有一番心思。比我留意到原来呢度有两样嘢好抵食，第一款系生蚝，第二款系猪手拼盘。原来猪手拼盘系要预订，我谂下次要早啲打电话来。生蚝的价格都几相宜，丰俭由人。值得欣赏的是四种都系法国蚝，系我杯茶。我地拣左中价位果两款，上枱都几靓仔，大只厚肉。法国蚝的特性就系味道比较龙，呢两款都唔例外，而且海水味较重。除咗呢啲推广食物之外，其实二人餐都几抵食， ＄398就有好多款的食物。套餐有齐餐汤同面包。小食拼盘唔算十分精彩，但胜在种类多。和牛好大件，足够几人分享。美中不足系调味方面差咗啲啲，味道唔够突出。伴碟的薯菜份量都好多，绝对系好适合分享的一道菜。猪手半只已经好多，啖啖肉，配上酸菜同酱汁一流。猪手层次分明，皮、膏、肉口感各有不同。除咗套餐之外，我哋仲单点左一个意粉，估唔到意粉都系咁大份。Cabonara酱汁够浓够杰，沾满意粉定到口感好丰盈。整体食物质素合格，但性价比非常高。每人都唔使＄200，就已经可以食埋生蚝，都不失为一个好去处。