遇見您

营业中

休息中

今次觅食在土瓜湾‼️年尾食豪左，年头就要收敛返啲～～呢一区有好多平民美食，朋友推介食呢间冰室cafe！点解叫冰室cafe⁉️因为食物种类系平时冰室都有嘅美食，但环境就系cafe格局「芝士鲜茄焗厚切猪扒饭」鲜茄汁唔会杰挞挞，甜酸味好适中好香新鲜蕃茄嘅清新口味，炒饭底炒到粒粒够干身，最加分系猪扒好有弹性，唔会比松肉粉腌到冇晒口感！「野菌忌廉酥皮汤」呢个忌廉汤浓而不腻❤️菇菌味好香，仲有粒粒野菌嘅口感果然系主厨推介‼️「自家秘制火山骨」泰国夜市名物，好多香港人都钟意其震撼感～～用猪脊骨推叠成一座山，肉质一啲都唔鞋，酱汁有别于泰式辣汁，味道系秘制酱油，个人觉得泰式辣汁会开胃啲