香港608冰室 (青山道) (已結業)

有时候茶餐厅都唔能够净系睇外表，喺荔枝角一间普通茶餐厅原来隐藏实力。完全望落去唔起眼嘅茶餐厅，竟然食物质素咁高，价钱平民。今日下午三时入去食下午茶，之前都有试过佢嘅午餐，但系下午茶嘅话就未试过啦。一坐低睇下个餐牌，就知道系用心经营嘅茶餐厅，因为餐牌上面嘅下午茶种类都已经有20款，如果一间普通嘅茶餐厅绝对唔会系下午茶仲要做咁多款式，可想言之呢一间茶餐厅系绝对有心经营。我今日就拣咗款厨师推介，黑松露炒蛋多士。炒蛋要吵得好食绝对唔系一件容易嘅事，一上碟就知道炒蛋系吵得相当出色，另外配合埋面包嘅松软程度及香脆程度简直冇得顶，黑松露带出香味。完全冇谂过咁简单嘅炒蛋多士都令我对佢印象深刻，可以讲话系食过咁多间茶记黎讲，最有心制作嘅多士，绝对不马虎，绝对可以一试。