百份百餐廳 (愛民廣場) (裝修中)

星期六去何文田体育馆做运动， 做运动之前要食饱饱。嚟到呢间百分百餐厅叫咗个蕃茄汤小云耳野菌嫩鸡泡法， 希望食得清淡啲唔好咁油腻咁肥。佢个饭上枱吓亲我， 我冇谂过佢个泡饭咁大碗， 好惊食唔晒 , 而且里面都几多料。 除咗有蕃茄之外， 有小云耳、野菌、鸡肉仲有我好钟意食嘅芹菜。其实佢个鲜茄汤都几香, 茄味都几浓，咁多种配料里面，我觉得个野菌最好味，佢本身应该系用咗干野菌嚟煮，干野菌同新鲜野菌嘅分别就系干野菌仲会多咗浸浓烈嘅香，用嚟煮𩠌炒𩠌就 最啱。虽然呢个系泡饭，但都依然食到干野菌𠮶种香味，鸡肉都算大件嘅，至少唔系畀鸡肉碎你，但略嫌呢个鲜茄汤底咸咗少少， 本身真系想食得清淡啲先嗌泡饭， 点知个汤浓味咗少少，食完真系好想饮水。