Pattern

营业中

休息中

早前落左足足两星期雨，呢几日见天气好，一于去游下水做下运动啦。位于太和既Pattern, 距离大埔游泳池只有5-10分钟路程，星期日中午到达既我地都要等位超过15分钟，唔想等位既朋友真系建议早d黎。餐厅虽然出名汉堡包，但系一人一份未免太heavy,所以我地叫左一份脆辣鸡烟肉汉堡同埋一份焗猪扒意粉。焗猪扒意粉蕃茄味浓，猪扒入口好松软，意粉焗过后唔会过干，好好味。脆辣鸡烟肉汉堡等候需时，上台时真系令我地「哇」左一声，因为卖相真系好巨型，包里面除左夹住烟肉同脆辣鸡扒外，仲有好多沙律菜同汁，个人认为沙律汁过多，食起黎唔太方便，建议可以落少d。薯角方面热辣辣，而且够脆，值得一赞。两个餐连饮品都系100 蚊松d，咁既质素，真系算唔错架啦。