M3 Italian (已結業)

今次系第一次黎M3食饭，听同事介绍话系一间价格中等的西餐厅，就约埋一大班同事去食lunch。M3只得两间分店，一间系沙田，一间系大围。Set lunch 有好多种选择，但我地都不外乎拣牛扒（$89）同羊架做Main Course,另外包沙津/汤（今日系磨菇汤），热饮，冻饮加$4，特饮加$6，甜品加$6法式焦糖炖蛋🍮。先讲沙律🥗，好丰富，有水果同蔬菜，酱汁食唔出系咩野，但酸酸甜甜，好食😋。而同事叫左磨菇汤，好多都要自己加盐，话无味😞。至于Main Course,份量都几多，味道唔错但牛排太熟，超韧😣，食到一半放弃左。但拌菜值得一赞，黑松露薯蓉，好香黑松露味，薯蓉够滑够creamy👍🏻😍。至于烤南瓜就正常水平，不过不失。饮品方面，试左「碟豆花柠檬水」，自己加柠檬🍋，可以睇住佢由蓝转紫，又靓又好玩，味道都ok。甜品限量，先到先得，个焦糖烧得好脆，但蛋味唔够浓，平平地算系咁😌。