櫻川丼 (已結業)

最近一直想发掘多啲元朗未试过嘅食肆。畀我喺安兴街附近，揾到呢一间好唔起眼嘅小店。餐厅环境非常之迫夹，只有几张枱仔。但因为对佢哋嘅食物好有兴趣😋，最终都系选择左堂食。午市套餐有饮品，汤，同埋餐前小食。因为系一人厨房嘅关系，所以要等耐啲嘅时间。食物出到嚟唔好睇佢卖相咁普通，但系佢嘅味道非常之好。真系有喜出望外嘅感觉。我叫咗个餐系配意粉，一般出面食嘅意粉都系普通煮熟咗畀你就算，但系呢一间佢竟然帮你用香草同埋杂菇，洋葱炒过。用餐嘅时候亦都睇到餐厅嘅侍应同其他食客有讲有笑，大部份都系一啲熟嘅食客，feel到一阵满满嘅人情味。结论得出就系食物嘅味道真系唔错，种类好多，而且好啱香港人嘅口味。唯一要挑剔嘅就系，下次应该可能会选择外卖，因为座位真系太唔舒服呀。