影片
更多
2019-08-20
1508 浏览
住喺沙田嘅朋友介绍我食呢一间手撕鸡专门店，点知check过Openrice原来佢都有好多分店，不过主要就系喺住宅区。叫咗个凉拌手撕鸡捞面，怕食唔饱所以加咗一份凉拌凤爪。全部嘅材料都系即叫即整，即刻捞同调味，好新鲜！落完单之后就企喺度等姐姐捞，成个过程都好卫生，透明度又高。呢间嘅手撕鸡比出面嘅粗身，调味做得好好，惹味十足，食到好香嘅麻油味，难怪系连锁店，质素非常之高，而且好平！捞面亦都好好味，份量比想像中多，唔会过硬同过淋，其实食完手撕鸡同捞面已经饱晒。凉拌凤爪全部去骨，食落口果然系冻嘅，透心凉计呀，所以非常之爽脆，而且都好大只，一份有8-10只，抵食！呢度加埋先$30左右，下次经过都要买返屋企加𩠌～
叫咗个凉拌手撕鸡捞面，怕食唔饱所以加咗一份凉拌凤爪。全部嘅材料都系即叫即整，即刻捞同调味，好新鲜！
落完单之后就企喺度等姐姐捞，成个过程都好卫生，透明度又高。
呢间嘅手撕鸡比出面嘅粗身，调味做得好好，惹味十足，食到好香嘅麻油味，难怪系连锁店，质素非常之高，而且好平！
捞面亦都好好味，份量比想像中多，唔会过硬同过淋，其实食完手撕鸡同捞面已经饱晒。
凉拌凤爪全部去骨，食落口果然系冻嘅，透心凉计呀，所以非常之爽脆，而且都好大只，一份有8-10只，抵食！
呢度加埋先$30左右，下次经过都要买返屋企加𩠌～
张贴
