魚眾不同酸菜魚 (君譽峰)

营业中

休息中

中午系北角揾食真系大把选择，呢间系其中一间要排队等位。餐厅其实都唔算细，装修几新净，入到嚟绝对唔似小店。虽然主打酸菜鱼，不过中午得一个钟头lunch，计埋来回，食酸菜鱼又好似赶头赶命，都系酸菜鱼米线适合啲。老坛酸菜鱼红薯粉 $78酸菜鱼米线一啲都唔单调，由主题，汤底，配菜同米线/饭都有得拣，配搭劲丰富，拣到岩心水为止。酸菜鱼红薯粉，拣金菇同娃娃菜吸晒酸菜鱼汤味。酸味少辣，鱼肉爽口又多，另加牛丸，爆汁弹牙。红薯粉幼身似粉丝，口感烟韧。花胶浓汤鸡煲 $80以为入嚟净系食酸菜鱼米线，其实花胶鸡煲米线都有惊喜，其受欢迎程度同酸菜鱼米线不相伯仲。金黄色的汤有劲大片花胶同鸡件，花胶鸡汤既香浓又鲜甜，配米线一边食一边饮汤，好享受。