上野鐵板燒專門店 (已結業)

超平铁板烧, $88一个一人歺！$88一人歺既歺牌侍应系唔会主动比你的，一定要主动问佢攞。另外有一个$198一人歺，但食嘅嘢基本上同$88果个差不多。除左呢个一人歺，佢嘅menu其实一啲都唔平！歺厅环境一般，感觉有少少残旧。白桃梳打：甜到完全饮唔到，糖浆味道亦有点假。三文鱼：味道尚算鲜甜，但肉质太过爽。薄烧肥牛：肥牛嘅肉还肉，肥膏还肥膏，而且颜色好深，相信摆咗喺雪格有一段好长久嘅日子。而且散收收唔系完整一大片，好佩服师傅嘅功力，咁样质素嘅肥牛包啲葱花系入面都仍然可以包到整整齐齐，烧完都唔会散，利害。味道就正常吧。肥牛、帆立贝、杂菜全部放哂落同一只碟上，基本上冇卖相可言。蛋炒饭：好味。蛋同葱花味香浓，饭粒分明，炒得好均匀，亦好够干身，每粒饭都有旦香。只系略嫌烟肉嘅烟薰味过重。另外叫左一碟烧牛舌：味道好浓郁，刚刚烧到有小小㶶好香口，初初食咗几嚿肉质都好松软，但之后发觉有部分好仞咬唔开。呢个价钱食铁板烧其实真系冇得期望啲乜，整体泥讲水准不过不失，可以接受。