影片
更多
2017-05-09
827 浏览
「瑶柱琵琶豆腐」炸得金黄，外层有少少脆口，入面系软滑嘅豆腐，外脆内软。粒粒都好似乒乓波咁大粒，我地一行五人去食，好似食极都重有好多粒，真系份量十足呀！「腰果炒肉丁」芹菜鲜嫰爽口，冇「衣」。猪肉粒切成小正方形，方便入口。腰果唔会炒得过龙觉得热气，火候啱啱好，食得出腰果嘅香味。重有少许红椒同葱条，比人一个好清新嘅感觉，食完感觉好健康。最近天气阴晴不定，忽冷忽热，身边好多朋友都病左，猛咁咳。所以专登嗌「菜干猪肺汤」补补佢。D汤料真系好足，闲闲地都有五六旧猪肺。饮完觉得好润。「豉汁蒸大鳝」打直切，呈圆形。呢个切法好少见，几特别。黑色鱼皮包住雪白嘅鱼肉，形成鲜明嘅视觉对比。鱼肉蒸得好熟，肉质实正，入口完全冇鯹味，鲜味十足。虽然好好食，但提醒大家食嘅时候要小心d鱼骨呀。「啫啫滑鸡煲」鸡件大粒多肉，外表金黄，食落口觉得好入味。除左鸡，估唔到重有猪膶！猪膶切得几薄，骤眼睇重以为普通猪肉片。猪膶食落口唔觉鯹。佢重落左唔少香蒜。我谂呢个d鸡咁香口、d猪膶之所以冇鯹味，唔多唔少都系因为有香蒜！D香蒜重可以食埋添！食左咁多肉，想嗌番碟菜。问侍应有冇菜苗佢话唔当做就听佢话嗌左「虾酱通菜鲜鱿」。果然，通菜新鲜翠绿
「腰果炒肉丁」芹菜鲜嫰爽口，冇「衣」。猪肉粒切成小正方形，方便入口。腰果唔会炒得过龙觉得热气，火候啱啱好，食得出腰果嘅香味。重有少许红椒同葱条，比人一个好清新嘅感觉，食完感觉好健康。
最近天气阴晴不定，忽冷忽热，身边好多朋友都病左，猛咁咳。所以专登嗌「菜干猪肺汤」补补佢。D汤料真系好足，闲闲地都有五六旧猪肺。饮完觉得好润。
「豉汁蒸大鳝」打直切，呈圆形。呢个切法好少见，几特别。黑色鱼皮包住雪白嘅鱼肉，形成鲜明嘅视觉对比。鱼肉蒸得好熟，肉质实正，入口完全冇鯹味，鲜味十足。虽然好好食，但提醒大家食嘅时候要小心d鱼骨呀。
「啫啫滑鸡煲」鸡件大粒多肉，外表金黄，食落口觉得好入味。除左鸡，估唔到重有猪膶！猪膶切得几薄，骤眼睇重以为普通猪肉片。猪膶食落口唔觉鯹。佢重落左唔少香蒜。我谂呢个d鸡咁香口、d猪膶之所以冇鯹味，唔多唔少都系因为有香蒜！D香蒜重可以食埋添！
食左咁多肉，想嗌番碟菜。问侍应有冇菜苗佢话唔当做就听佢话嗌左「虾酱通菜鲜鱿」。果然，通菜新鲜翠绿，好爽口。鱿鱼唔会有苦味，又唔会淡而冇味，食得出鱿鱼嘅鲜味。
其实虽然好似食左好多野，但我都未有饱足感。好惊喜系谂住卖单嘅时候，侍应竟然问我地要唔要糖水，重话系免费！哗，佢系味知我谂紧乜？！甜品系红豆沙。同行友人一食就话唔好味，话冇煮到起沙，但我觉得还好。话明系送就唔会批评咁多啦～有糖水送点都系开心嘅～
张贴
