吉野家

营业中

休息中

喺天耀商场开咗一间新嘅吉野家， 平时下午茶时段人流超多，平价嘅下午茶餐，简直系穷人恩物。我同朋友各自叫咗一个饭外卖拎走，人均消费大约60hkd左右。一番巨丼，牛肉量超多，呢次因为外卖拎走，分量好似较堂食嘅少。😢😢😢日式咖喱煎鸡饭，味道尚可，但我都系比较钟意食牛肉饭多啲。吉野家嘅晚市打边炉，大家可以考虑下，其实都几抵食既，依家物价水平来讲，几十蚊有齐咁多野，已经算系咁㗎啦。服务方面：出餐嘅速度一般，相比起其他分店，员工嘅服务态度麻麻。以快餐店嘅模式来讲，讲求嘅系速度， 系呢方面呢间分店就比起其他分店差好多。另外可能大型快餐店都为咗节省成本，同埋环保，唔会主动提供饮管比顾客，但当顾客主动问员工攞嘅时候，呢间分店嘅职员态度就非常之差，明显觉得系顾客增加佢工作量。在大型连锁食店嘅吉野家，希望佢会注意下呢间分店嘅员工表现，以免影响吉野家作为一间优质大型连锁食店嘅形象。