影片
更多
2016-06-14
1765 浏览
出街食饭有时都几头痛，又想平平地又想唔难食又想多选择...旺角新世纪广场既食代馆系一个唔错既选择~位于新世纪广场3楼既食代馆其实系FOOD COURT，想食台湾菜又有、韩国菜又有、日式菜式都有...有时唔知想食咩，行一个圈见到有咩岩食再叫都唔迟!平时干炒牛河就食得多，脆化猪排炒牛河都系第一次!!牛河唔会太干而且有镬气，同埋唔会太油，唔错!至于脆化猪排水准就麻麻喇...猪排既脆浆皮够薄唔够脆，大为失色!另外既台湾炸鸡饭水准唔错，颇有台湾几风味!炸鸡够脆口又唔厚粉同埋够juicy，肉质幼滑，只系有D油腻!整体黎讲，大约五十蚊就有一份套餐，食代馆价钱亲民又多选择，谂唔到食咩果阵系一个唔错之选!
张贴