心語甜品 (已結業)

朋友介绍话筲箕湾有间食甜品，食品质素高，所以同朋友嚟试系咪真系好食。招牌颜色很有少女Feel ，一望就望到，入到去可能午餐时间已过人比较少，侍应姐姐俾我哋坐4人枱，睇甜品餐牌，发现除咗甜品外仲有午餐食，吸引我朋友，叫了虫草花肥牛米线，而我自己叫了凯撒沙律配鸡，同朋友倾了一阵，米线同沙律到，哗，肥牛米线好正，食落有屋企煮的Feel，肥牛煮到刚刚好， 唔韧好滑，沙律仲正，卖相似高级餐厅，系仲靓过高级餐厅。食落鸡扒好滑好多肉汁，菜同酱汁刚好唔太多，特别之处用粟米片。最后叫咗碗芒果捞球同朋友 share食，估唔到咁好食，除了椰汁同芒果香外仲有牛奶香味，小丸子好烟韧，超好食。朋友同我都冇谂过系东大街可以食到平民价钱，享受高级餐厅水准，下次一定再嚟食其他。