意樂餐廳 (禾輋廣場) (已結業)

同屋企人系禾𪨶商场买少少嘢，之后去揾食，佢哋推介我食呢间～😂龙虾汁海鲜焗饭以佢价钱嚟讲，真系好出色架喇！啲海鲜虽然系急冻嘢，但胜在够多。个味都好好、汁好香。焗饭唔会太干，饭嘅份量唔多唔少，啱啱好，我几有惊喜～😂跟住两老叫左海鲜汤面，同海鲜汤意粉。我食左少少，都不错，个海鲜汤意粉比较好食。芝士焗西兰花呢个就好失色喇，不过佢啲嘢咁平就原谅佢啦～😆本身个西兰花系白烚，之后淋啲芝士上面再拎去焗，所以啲芝士根本唔会入味～其实附近系屋邨，所以啲价位都系比较平，本身我都冇乜预期，谂住平平哋食一餐算啦～但佢主菜类都好唔错，几十蚊真系算好出色，仲要佢有好多唔同种类拣，平日嚟食系几不错选择～