創意廚房 (已結業)

晏昼放饭时间去咗创意厨房食饭。虽然里面都几乎坐满晒，但系我哋唔使排队都揾到位入去坐，真系好好彩。今日我叫咗个黑醋水蜜桃咕噜肉套餐食，谂住食下，酸嘢开胃啲。佢哋嘅上餐速度快，十分钟内就上晒餐，几乎坐满晒客人都可以咁快真系厉害。佢哋嘅摆碟都好精美，唔系就咁将啲𩠌放上个碟就算。如果你食饭讲求feel嘅话，你可能都会钟意。整体味道都算唔错。黑醋带酸，水蜜桃带甜，捞埋一齐食落口酸酸甜甜十分之开胃，啲汁送饭一流。不过我觉得如果个份量可以再大啲嘅话会再好少少。