同聚

营业中

休息中

天气突然转冻，最啱食D热辣辣又暖胃嘅胡椒猪肚鸡煲😏 所以拣左位于上水石湖墟嘅一间新新地嘅餐厅。我地一行四人叫左半只鸡，另外再加两个小菜同一个炒面，真系饱到上心口!!😆胡椒猪肚鸡煲 $198本身仲谂住可以暖下胃，点知原来系酸菜猪肚鸡煲😮，胡椒味劲弱…😂猪肚份量唔算少，亦无怪味，鸡件份量可以接受。另跟唐生菜，望落都新鲜。蜜椒鸡中翼 $78新鲜热辣炸出嚟，鸡翼大大只，而且有八只咁多😯，平均唔驶$10/只。鸡翼炸到几脆，肉质几滑，但黑椒味偏淡，而且仲有少少鸡腥味(我对鸡腥比较敏感😅)。小炒王 $88每间餐厅嘅小炒王都各有不同，呢间就会加入鱼仔，鱿鱼大大件、份量多。整体唔会好咸，但有少少偏老嘅韭菜花。豉油皇炒面 $52呢个有少少镬气，味道正常，胜在价钱唔贵，又包餐饮。京葱爆牛肉 $88牛肉份量几多，而且切得几大块，亦唔会好韧。整体小菜算大份、唔会煮到好咸、而且价钱又唔贵，无加一之余，每个小菜满$68就会跟一个饭同热饮，饮品大杯，唔Hea，缺点系白饭质素唔好，无饭香又唔好味。