丸亀製麵 (iSQUARE國際廣場)

营业中

休息中

想食乌冬就会谂起丸龟，平日去咗尖沙咀iSquare嘅分店。店内都系采取先拣嘢食，后俾钱嘅方式。环境都几宽敞。蕃茄牛肉乌冬（中），$39（下午茶价），原价$52，牛肉份量几多，有先用汁煮过，好入味。蕃茄汤就好浓蕃茄味，质地都好浓稠，食到蕃茄最原本嘅味，都系茄膏再加蕃茄粒咁。日本蕃薯天妇罗，$8｜海苔竹轮天妇罗，$14，丸龟嘅炸物全部都系预先炸定，所以食到入口个时都预咗系冻，但味道真系唔错，而且唔会话炸完之后淋晒，仲保持到应有嘅脆度。蕃薯天妇罗味道正常，海苔竹轮天妇罗味道几特别，平时食竹轮唔会加海苔，但味道系好夹。