炑八韓烤 (偉華中心) (已結業)

由于沙田的急速发展加上自由行的大力支持，而家要系沙田新城市一带揾间正路价的午餐都唔容易。先睇睇个餐牌，最平可以做到50蚊都唔驶，价钱可以同快餐店媲美。黎到韩式餐厅，点餐后就一定会俾前菜你食住先，呢度都一样。是日前菜系泡菜加麻油芽菜，个泡菜唔太咸同辣，合乎返香港人易接受的口味，属于中规中矩。点左两个餐，其中一个系大酱汤配饭。个人向来钟意食韩式汤饭，呢个汤饭配料虽然比较cheap，得豆腐、瓜、蚬仔两粒，但个味算唔错。另一个系铁板猪肉饭，个样睇落几吸引，但女友人先搅一搅后发现猪肉量出奇地少，得果一旧猪肉only。向店员反映后佢地都好好gum补返唔少肉俾我地，但呢个少肉现象唔知系唔好彩定真心如此。我地加左杯柚子柠檬梳打，可惜唔算太啱口味，柚子味唔算突出。最后加送左呢个饭卷，要得到佢只要用手机app加为新会员就有的迎新优惠，绝对系一加无妨的优惠。个饭卷都整得唔错。是日埋单连加一系100多d，系沙田算是快餐店外平民午餐的选择。