港興大飯店

营业中

休息中

星期六系大围食饭，选择不多，而呢一间都算系中菜之中嘅首选，平民价钱食心机客家小菜。今晚叫左三味菜一个汤。汤方面叫左腐竹猪肺白果汤，煲完出来奶白色卖相吸引。饮落口腐竹、同猪肺嘅味道搭配非常，浓香满口。而佢啲汤渣有猪肺同猪肚，全部都系心机之作，剩系洗干净都搞半日。盐焗鸡系客家菜必食菜色之一，盐味基本上每一家餐厅都大同小异，最紧要系鸡嘅质素。而呢度盐焗鸡做得岩岩好，唔会过熟鸡肉略带经，肉质滑溜，而鸡本身亦好有鸡味，同盐焗嘅味道十分之夹。红烧豆腐系另一相对健康之选，起码冇咁啖啖肉。最后就系米芝连咕噜肉，开头俾佢个名搞到期望太高，但系食落又觉得冇乜特别，外面肯定会有比佢质素更好嘅咕噜肉。