友利坊 x 友利冰室 x 勿當奴 (已結業)

今次想介绍嘅系呢间位于始创中心地牢嘅友利冰室，看似一间普通嘅茶记，但并唔普通。一般西餐厅有嘅嘢佢都有，最特别系佢呢期特别推销羊腩煲，最啱而家冻冻地食。呢日放工黄昏就去到，但好多位都已经爆晒，证明好多人都钟意嚟呢度食。个羊腩煲真系值得一试！首先佢嘅羊唔会太过臊，配合冬菇同埋枝竹嘅汤底，真系绝配。另外，佢煮嘅羊肉好腍，极易入口。另外佢嘅日月贝黑松露意粉亦都超好食，除咗元贝好新鲜之外，佢加入咗淡淡嘅黑松露味，令到整个意粉嘅层次都升级唔少，值得一试！