周師傅點心 (已結業)

周末尼到深水埗买电话卡，一出地铁站就见到周师傅点心有位，于是就食点心做晚饭。店仔细细, 但枱面空间都大, 枱同枱之间都唔逼。Menu 有中英对照。落单就写系纸到。虾饺，皮薄，虾肉都几足料，够新鲜。XO酱萝卜糕，香口入味但唔太辣，份量足够。芝麻虾多士，薄多士放满虾肉再沾满黑白芝麻，将普通虾多士加多一份独特既口感同香味。点泰式辣酱好夹。奶黄流沙包，外皮同普通奶黄包唔同，系橙黄色。流沙馅比较少，但都好味。脆皮马拉糕，烘过既马拉糕外脆内软，比起一般马拉糕既软身好唔同，好食。杞子桂花糕，正常味道。冻柠茶柠檬新鲜，茶味香浓。