Cafe 82

营业中

休息中

本身谂住去附近另一间餐厅食嘅，不过𠮶间咁啱冇开，所以就无心插柳嚟咗呢一间。虽然已经系两点几，过咗最繁忙嘅食晏时间，但都等左一阵先至有位。叫咗一个价值$68嘅香蒜白酒鲜虾意粉，跟餐仲送汤同埋嘢饮。餐汤有啲惊喜，唔系成日饮开嘅南瓜汤或者蘑菇汤，而系栗子汤，几特别，味道仲唔错添。至于个意粉都几大碟，有好香嘅白酒同埋蒜香味，令到虾嘅鲜味更加突出。$68唔收+1有咁嘅质素真系相当唔错。