譽小館 (已易手) 新餐厅

今晚出开彩园交收野，之后去左揾野食，见到间点心舖，可以夜晚食点心太好~间舖都几大，好多位唔洗点等就可以入，都几干净舒服。野食款式都好多，点心之外仲有港式汤面同粥，价钱唔贵，当初仲以为商场舖唔会平。上海小笼包，食第一只既时候好粗心大意咁串左皮，原来个皮好薄。第二只成功原只入口，汤汁好鲜甜。手工拉布肠粉，又白又滑，食落仲好柔软。黑松露带子饺，咬落已经有好香既黑松露味，夹杂住带子既味道，而虾亦都好爽口，皮薄得黎几烟韧。萝卜千丝酥，越黎越少地方有得食既手工点心，店员放低𠮶时提我地要小心入面啲馅好热唔好咁快就食，好细心。个皮好松化，入面啲萝卜蓉都好软滑。