上海廳 (已結業)

去探朋友嘅好处就系令自己去到唔同嘅地方，可以发掘一下唔同嘅美食。今次我哋有去到天水围天瑞村探朋友。商场食物选择唔太多，因为我哋有小朋友嘅关系，见到呢一间上海听几宽阔，有选址呢度食饭。虽然系星期日，但可能已经九点太晏嘅关系，天水围嘅居民已经归家，餐厅位置好多。上海菜我最钟意食鸡丝粉皮， 呢度都整得唔错，麻酱好香，只系略嫌粉皮唔够弹牙。但食落去上海风味十足醉鸡，好幸运地厨房俾咗近脾嘅位置我哋，唔太肥，而且肉好嫩滑！酒味好香，同鸡完全融合一齐。另外呢度嘅糖醋排骨原来系冻食，味道酸酸甜甜，排骨半肥瘦。小笼包皮薄而且好多汁。不过略嫌肉嘅鲜味唔太足够。担担面份量好多，我哋足够分成四小碗！汤底香甜带少少麻辣，不过如果多一啲麻酱风味就更加好。呢度小馆型式经营，食物水准整体不错，其实屋村商场其实都好多唔同选择可以试吓！