皇寶餐廳小廚 (已結業)

今日系冬至呀～冬大过年~不过我地屋企又冇话特别庆祝~所以冇去酒楼食饭~不过呢喺茶餐厅食一样可以食得好！四个人就嗌咗四𩠌一汤 ，先黎一个椒盐鱿鱼同埋椒盐猪扒，再加一个清蒸沙巴同埋腊味炒芥兰，之后再加多一个瑶柱鱼肚粟米羹~份量都已经好足够啦！呢间不嬲都系我哋嘅饭堂嚟嘅~所以一直都好支持佢㗎 其实我老豆食嘢比较麻烦口味比较 要求高家~ 所以佢食开呢间就觉得呢间好~咁我自己又觉得呢间啲味道都ok嘅~而且份量都几足下~上菜速度都好快！如果相比起去茶楼食冬至饭应该又要等好耐又多人上菜速度都未必有咁快有饭食喔！ 清蒸沙巴同埋椒盐猪扒 个人都觉得要赞下嘅不过椒盐鱿鱼就失色咗少少啦~个人就觉得一般啰~