醉潮館

营业中

休息中

餐厅格局大致冇乜太大分别，同以往差唔多， 餐牌睇得出改名都用咗啲心思 ， 餐牌 设计nice ，中式feel.... 盅汤方面今日得花胶炖鸡汤，所以冇点到。点左菜后，上菜速度惊人，好快就炒完， 咁多𩠌菜前后相隔十分钟 ，今日点咗一碟汤，两碟小菜 ，一碟炒饭， 一碟小食胡椒猪肚汤 88hkd猪肚分量都几多，冇腥臭味， 胡椒味非常重。虾干炒通菜88hkd虾酱重手， 一上菜成碟菜汁 都用到 踊跃出嚟 ，好似喷泉咁热， 好难想像厨师点样做到呢个效果。蜜桃咕噜肉 72hkd蜜桃用咗罐头蜜桃去做， 咕噜肉外皮松脆炸得几好， 最钟意食佢嘅洋葱 ，唔会太生唔会太熟。牙签鸡 58hkd呢碟最好食， 鸡外层应该用咗面包糠去炸， 鸡肉已经一早腌好。 分量都几多，第一碟上台，炸得好快。潮式炒饭 78hkd炒饭够镬气，唔会太咸 ，适中味道，足料。