上海天龍樓

营业中

休息中

本身想食香港仔鮨政，但可惜摸门钉，点知另一间日本餐厅采彩都无开，就是是旦入间小店啦。装修好平民，系一间好传统比较简陋嘅家庭式小店，环境尚算干净，钟意佢每一张枱都有酒精搓手液仲系柚子味。整体来，食物比较清淡，带有住家feel。先讲百叶毛豆，味道偏淡而单一，份量多但不平均，期望可以多啲毛豆增加口感。失望系毛豆应该唔太新鲜，见到已经有芽仔出现。小龙包（细）一共有五大个，之所以「大个」系因为真系大只，同乒乓波大细差不多。外型不太讨好，表面好似月球凹凸不平，食落感觉就好似系中式面包质地，厚而粉。而肉嘅质地系一pat pat，无口感亦无咩调味，可赞之处系用上鲜肉。最后系红油抄手，味道好奇怪因为酱汁同食物嘅combination一啲都唔夹。正常嘅抄手应该系酸加辣，但哩个系甜。可取嘅系佢啲皮够薄，似乎系用云吞皮，肉馅同小龙包一样，唔好食。事后先知原本系黄店，服务好、友善，但希望可以改善下食物质素啦！加油！