連豐燒味餐室

营业中

休息中

系铜锣湾返工食晏都好贵，茶记至少都要$60-70，难得系鹅颈桥底揾到间超平烧味饭，单并双并同价，一律$30！叫左个油鸡烧肉饭，可以拣食胸唔洗加钱，大方过𠮶啲棋乜烧鹅、大乜烧鹅，话食胸要收多人$10，明明胸就一向无人拣。油鸡胸啖啖肉，有少少鸡味，而且肉质唔算太韧，肉色泽白净，甚为不错。烧肉外皮香脆，可惜欠缺咸香味，肉嘅色泽偏淡粉红，不是平时嘅啡白色，可能系雪藏得比较耐嘅猪肉，肉质比较韧，同埋有渣。毕竟$30有双并都不能要求太多，我会继续帮衬。